Upatikanaji viungo

Breaking News
Jumatano, Februari 08, 2023 Local time: 05:56

Mpango wa siri uliotekelezwa na wafanyakazi wa afya wazuia Russia kuiba watoto wachanga


Watoto yatima waliofichwa kuwaokoa kuibiwa na wanajeshi wa Russia, nchini Ukraine katika vita ya uvamizi inayoendelea Ukraine.

Saa kadhaa baada ya uvamizi wa Russia nchini Ukraine mwezi Februari, wafanyakazi wa afya katika hospitali ya watoto upande wa kusini walianza kwa siri mpango wa jinsi ya kuwaokoa watoto.

Warussia walikuwa wanashukiwa wanaweza kuwachukua watoto yatima na kuwapeleka Russia, kwa hiyo wafanyakazi wa hospitali ya watoto mjini Kherson walianza kutengeneza rekodi za afya za kughushi za yatima hao ili ionekane kama vile walikuwa na hali mbaya hawawezi kuhamishwa.

“Tulifanya hilo kwa makusudi kuandika habari za uongo kuwa watoto hao walikuwa wagonjwa na hawawezi kusafirishwa,” alisema Dkt Olga Pilyarska, mkuu wa kitengo cha wagonjwa mahututi. “ Tulikuwa tunaongopa kuwa (Warrusia) wanaweza kugundua … (lakini) tuliamua kwamba tutaweza kuwaokoa watoto hao kwa gharama yoyote.”

Katika kipindi chote cha vita Warussia wamekuwa wakituhumiwa kuwasafirisha watoto wa Ukraine huko Russia au katika maeneo yanayoshikiliwa na Russia ili wawalee kama watoto wao. Takriban watoto 1,000 walichukuliwa kwa nguvu kutoka mashuleni na vituo vya yatima katika mkoa wa Kherson katika kipindi cha miezi minane ya ukaliaji mabavu wa eneo hilo, mamlaka za kieneo zimesema. Haijulikani mahali walipo watoto hao.

Lakini wakazi wanasema hata hivyo watoto zaidi wangeweza kutowekakama isingekuwa juhudi za baadhi yao katika jamii hiyo ambao walihatarisha maisha yao kuwaficha watoto wengi kadiri walivyoweza.

Watoto yatima wakihifadhiwa katika hospitali mmoja mjini Kherson, Ukraine.
Watoto yatima wakihifadhiwa katika hospitali mmoja mjini Kherson, Ukraine.


Katika hospitali huko Kherson, wafanyakazi walizua maradhi kwa watoto 11 waliokuwa wanwahudumia, ili wasiweze kuwatoa kwenda katika nyumba za yatima ambapo walitambua kuwa wangeingizwa katika rekodi ya Warrusia na kuwepo uwezekano mkubwa wakuchukuliwa.

Mtoto mmoja alikuwa “ anavuja damu katika moyo”, mwingine “alikuwa na degedege isiyodhibitika” na mwingine alikuwa anahitaji “kifaa cha kupumulia,” alisema Pilyarska kuhusu hizo eikodi walizotengeneza za uongo.

Chanzo cha habari hii ni shirika la habari la AP.

Facebook Forum

XS
SM
MD
LG