Katika habari zake za kijasusi za hivi karibuni, zilizobadikwa katika Twitter, wizara hiyo imesema Russia ilikuwa imepoteza zaidi ya ndege 60 za kivita.
Kupungua kwa mashambulizi, wizara hiyo ilisema, “inawezekana ni matokeo ya vitisho vya juu vinavyoendelea kutoka kwa ulinzi wa anga wa Ukraine, kikwazo cha saa ambazo ndege za Russia zinaweza kuruka, na hali mbaya ya hewa.”
“Kutokana na mashambulizi ya kimkakati ya ardhini yanayofanywa na Russia yanategemea kuyaona maeneo na pia kutumia silaha zisizo na shabaha, jeshi la anga la Russia huenda linaendelea na kiwango cha chini cha mashambulizi kutokana na hali ya hewa mbaya wakati huu wa baridi,” wizara ya hiyo ya Uingereza ilieleza.
Rais wa Ukraine Volodymyr Zelenskyy alisema katika hotuba ya kila siku Jumapili kwamba Ukraine ina kitu ambacho Russia hawana.
“Tunaitetea nchi yetu na hilo linatupa motisha wa hali ya juu. Tunapigana kwa ajili ya uhuru na hilo linaongeza mara kadhaa nguvu yoyote ile. Tunatetea ukweli na hili linaiunganisha dunia kuwa pamoja na Ukraine.
Kiongozi huyo wa Ukraine pia amewasihi wananchi wa ukraine kusaidiana “kuweza kuvuka kipindi hiki cha baridi.” Alisema, “naomba usijiulize kama aunaweza kusaidia na kwa namna gani. Saidia pale unapoona unaweza kufanya hivyo.”
Waziri wa Mambo ya Nje wa Marekani Antony Blinken alisema Jumapili kuwa gharama inayoingia Russia kutokana na vikwazo vya Magharibi inaongezeka kila siku, ikiwawia vigumu Moscow kupata silaha zaidi ili kuendeleza vita vinavyoendelea na Ukraine.
Baadhi ya taarifa katika ripoti hii inatokana na mashirika ya habari ya AP, Reuters na AFP.
