Upatikanaji viungo

Breaking News
Ijumaa, Julai 01, 2022 Local time: 16:57

Picha za kuogopesha za vifo Ukraine zatolewa


Mwanamme akiwa karibu na kaburi la pamoja katika mji wa Bucha, Ukraine. April 3 2022. Picha AFP

Mkuu wa ofisi ya haki za kibinadamu wa umoja wa mataifa ameelezea masikitiko kutokana na picha za kutisha za miili ya watu walioua na kuachwa barabarani katika uvamizi wa Ukraine kutokana na mapigano ya mjini Bucha.

Picha hizo zimetolewa baada ya wanajeshi wa Russia kuondoka sehemu hiyo.

Katika taarifa kwa vyombo vya habari, Michelle Bachelet, amesema kwmaba kuna uwezekano kwamba kulitokea uhalifu wa kivita, kukiukwa kwa sheria ya kimataifa na haki za kibinadamu.

Maafisa wa Ukraine katika mji wa Bucha wamesema kwamba wamelazikika kuchimba makaburi ya pamoja ili kuzika miili kadhaa ya watu waliouawa na kuzuia miili hiyo kujazana barabarani.

Baadhi ya watu waliouawa walikuwa wamefungwa mikono.

Mwendesha mashtaka mkuu wa Ukraine Lryna Venediktova amesema kwamba zaidi ya miili 410 imepatikana kufikia sasa.

Ofisi ya haki za kibinadamu ya umoja wa mataifa imesema kwamba maafisa wako katika sehemu hiyo ya tukio kuthibitisha idadi ya watu waliouawa.

Facebook Forum

XS
SM
MD
LG