Upatikanaji viungo

Breaking News
Jumatano, Agosti 04, 2021 Local time: 20:00

UN yaonya janga la njaa la 1984 laweza kutokea Ethiopia


Mark Lowcock

Mkuu wa masuala ya kibinadamu, wa Umoja wa Mataifa, UN, ameonya hali ya njaa sawa na ile ya mwaka 1984, iliyosababisha vifo vya zaidi ya Waethiopia milioni 1, inaweza kutokea tena.

Ameonya kutokea janga hili ikiwa fursa za kufikisha msaada katika eneo hilo la kaskazini mwa nchi la Tigray, hazitaboreshwa kwa haraka, na misaada pamoja na ufadhili kuongezeka ipasavyo.

Mark Lowcock, ameuambia mkutano wa faragha, usio rasmi, wa Baraza la Usalama la Umoja wa Mataifa, UN, kwamba utawala wa Tigray umeripoti vifo vingi, kutokana na njaa, na kuongeza kuwa hali itazidi kuwa mbaya katika miezi ijayo, sio tu huko Tigray, lakini pia katika majimbo ya Afar na Amhara.

Idara ya uainishaji wa awamu Jumuishi ya Usalama wa Chakula, au IPC, iliripoti kuwa zaidi ya watu milioni 5.5 kwa jumla walikuwa katika viwango vya mzozo wa ukosefu wa chakula katika jimbo la Tigray, na maeneo jirani ya Amhara na Afar.

Shirika la kuwahudumia watoto la Umoja wa Mataifa, UNICEF, pia limetahadharisha kuwa watoto 33,000 wenye utapiamlo wa kiwango cha juu katika maeneo yasiyofikika ya Tigray wako katika hatari kubwa ya kufariki.

Facebook Forum

XS
SM
MD
LG