Upatikanaji viungo

Breaking News
Jumanne, Mei 18, 2021 Local time: 20:11

Malawi : Rais Chakwera awafukuza kazi waziri na maafisa waandamizi


Rais wa Malawi Lazarus Chakwera

Rais Lazarus Chakwera wa Malawi amewafukuza kazi maafisa waandamizi akiwemo Waziri wa Kazi Ken Kandodo kwa tuhuma za kutumia vibaya fedha za kupambana na ugonjwa wa COVID-19.

Rais amesema hatua yake inafuatia ukaguzi aliyoamrisha ufanywe kuhusiana na matumizi ya karibu dola milioni 7.8 kwa ajili ya shughuli za janga la Corona.

Alisema hakutakuwa na mtu atakae samehewa akisisitiza kwamba zaidi ya maafisa darzeni moja wamehusika kutokana na ripoti ya mkaguzi.

Miongoni mwao wakiwemo maafisa katika ofisi ya Rais na Baraza la Mawazirti ambao tayari wameshakamatwa.

Rais aliahidi kutakuwa na watu zaidi watakao kamatwa miongoni mwa wafanyakazi wa serikali.

Waziri wa kazi ametuhumiwa kutumia fedha za kushughulikia COVID-19 kwa ajili ya kulipia matumizi ya safari zake Afrika Kusini.

Rais Chakwera anasema ingawa waziri alirudisha hizo fedha lakini inamaana kwamba zilipohitajika hazikuwepo.

Wakati huo huo polisi wa Malawi wamethibitishwa kukamatwa kwa watu 19 wanaotuhumiwa kutumia vibaya fedha za COVID-19.

Facebook Forum

XS
SM
MD
LG