Upatikanaji viungo

Breaking News
Jumapili, Agosti 01, 2021 Local time: 00:04

Hayati Deby aagwa na maelfu ya watu Chad


Wanajeshi wa Chad wakiwa wamebeba mwili wa hayati Idriss Deby wakati wa mazishi ya kitaifa mjini N'Djamena Aprili 23, 2021.(Photo by Christophe PETIT TESSON / POOL / AFP)

Maelfu ya watu wamekusanyika Ijumaa kwenye uwanja mkuu wa mji mkuu wa Chad, N'Djamena, kutoa heshima zao kwa hayati Rais Idriss Deby, aliyeuawa akiongoza wanajeshi wake dhidi ya shambulizi la waasi Jumatatu.

Rais wa Ufaransa Emmanuel Macron, Rais wa Guinea Alpha Conde na viongozi kadhaa wa Afrika walikuwa wanatarajiwa kushiriki mazishi ya Deby, licha ya onyo la waasi waliowataka viongozi hao wasishiriki kwa sababu za kiusalama.

Deby aliiongoza Chad kwa zaidi ya miaka 30. Licha ya kukosolewa na makundi ya haki za binadamu kwa utawala wake wa kiimla, Deby alijiimarisha kama mshirika muhimu wa kijeshi wa madola ya magharibi, katika vita vya kimataifa dhidi ya wanamgambo wa Kiislamu.

Kifo chake kilitangazwa na jeshi Jumanne, siku moja baada ya maafisa wa uchaguzi kusema kwamba alishinda muhula wa sita madarakani. Vyama vingi vya upinzani vilisusia uchaguzi.

Jana, gari ambalo lilikuwa na kipaza sauti lilizunguka mjini N’djamena likiwaambia wakazi kutokuwa na wasiwasi watakaposikia milio ya mizinga, Deby atapigiwa mizinga 21 ya kumpa heshma.

Facebook Forum

XS
SM
MD
LG