Upatikanaji viungo

Breaking News
Jumapili, Juni 13, 2021 Local time: 04:51

Bobi Wine aitaka mahakama ifute ushindi wa Rais Museveni


Rais Yoweri Museveni Kaguta (kushoto) na aliyekuwa mgombea urais wa upinzani Robert Kyagulanyi.

Kiongozi wa upinzani nchini Uganda, Bobi Wine amewasilisha changamoto ya kisheria kwa mahakama ya juu nchini humo akiomba kufutwa kwa matokeo ya uchaguzi wa rais wa mwezi Januari ambayo yalimpa ushindi rais wa muda mrefu Yoweri Museveni.

Bobi Wine ambaye jina lake halisi ni Robert Kyagulanyi mwenye umri wa miaka 38 ameyapinga matokeo hayo na kusema anaamini kwamba ushindi wake uliibiwa.

Wakili wa chama cha Bobi Wine cha National Unity Platform -NUP, George Musisi amesema Wine anaitaka mahakama kubadili matokeo hayo katika misingi inayohusu kusambaa kwa matumizi ya ghasia.

Askari wa kuzuia ghasia wakifanya doria karibu na nyumbani kwa Kyagulanyi Ssentamu, maarufu Bobi Wine, katika kitongoji cha Magere karibu na Kampala, Uganda, Jan. 16, 2021.
Askari wa kuzuia ghasia wakifanya doria karibu na nyumbani kwa Kyagulanyi Ssentamu, maarufu Bobi Wine, katika kitongoji cha Magere karibu na Kampala, Uganda, Jan. 16, 2021.

Museveni ambaye ameliongoza taifa hilo la Afrika Mashariki tangu mwaka 1986, alitangazwa mshindi wa uchaguzi wa Januari 14 kwa kupata asilimia 59 ya kura wakati Wine alipata asilimia 35.

Musisi amesema wanataka matokeo yafutwe na upigaji kura urejewe.

Wakili huyo amesema kuwa kulikuwa na wizi wa dhahiri wa kura kwa maboksi kujazwa kura, kunyanyaswa kwa mawakala wa NUP na wafuasi wake, baadhi yao kukamatwa katika mkesha wa siku ya uchaguzi.

Wine ambaye hilo ni jina lake la kisanii aliwavutia vijana wengi nchini na kusambaza muziki wake kwa waganda na hivyo kujipatia kundi kubwa la vijana waliomuunga mkono na kuwa changamoto kubwa kwa Museveni.

Facebook Forum

XS
SM
MD
LG