Upatikanaji viungo

Breaking News

DRC : Ajali yauwa 18, dereva Mtanzania ashikiliwa na polisi


Ramani ya Lubumbashi, DRC

Watu 18 wamepoteza maisha na wengine 12 kujeruhiwa katika ajali ya barabarani iliyotokea Jumatano jioni katika kijiji cha Kabwe, mjini Lubumbashi, nchini Jamhuri ya Kidemokrasia ya Congo (DRC).

Taarifa zinasema dereva wa lori hilo ambaye ni raia wa Tanzania amekamatwa na kuwekwa rumande ikidaiwa kwamba alikuwa amelewa wakati akiendesha lori hilo.

Ajali hiyo ilikuwa baina ya lori iliyokuwa imebeba tindikali ilioligonga basi la abiriya liliokuwa limesimama kituoni, wamesema viongozi wa Wizara ya Afya nchini humo.

Lakini shirika moja la kiraia lililoongea na mwandishi wa Sauti ya Amerika mjini Lubumbashi, nakumfahamisha kuwa watu 30 ndio waliopoteza maisha katika ajali hiyo.

Ripoti zaidi zinasema lori hilo ambalo lilikuwa linasafirisha tindikali kwenda kwenye mgodi unaozalisha madini aina ya Cobalt kwenye mji wa Kolowezi, lilikuwa linatembea kwa mwendo wa kasi.

Imetayarishwa na Mwandishi wetu, Patrick Nduwimana, Washington, DC.

Facebook Forum

XS
SM
MD
LG