Upatikanaji viungo

Breaking News

Uchaguzi Mkuu Nigeria 2019 : Wananchi wajitokeza kupiga kura


Rais wa Nigeria Muhammadu Buhari akijiandaa kupiga kuraprepares katika kituo cha kupiga kura huko Daura, Jimbo la Katsina, Nigeria, Feb. 23, 2019.

Rais wa Nigeria Muhammadu Buhari alikuwa miongoni mwa watu wa kwanza kupiga kura katika mji alikozaliwa wa Daura wakati vituo vya kupiga kura vilipofunguliwa Jumamosi baada ya uchaguzi huo kucheleweshwa kwa wiki.

Masaa kadhaa kabla ya kura kuanza kupigwa, milipuko ilisikika katika upande wa kaskazini mashariki wa mji wa Maiduguri nchini NIgeria.

Vyanzo vya habari vimeripoti kuwa chanzo cha milipuko hiyo hakikuweza kufahamika mara moja, lakini Boko Haram wametoa taarifa walikuwa wanahusika na shambulizi hilo huko Maiduguri.

Katika mji mwengine kaskazini mashariki wa Geidam, shirika la habari la Reuters limeripoti shambulizi lililofanywa na wapiganaji wa Kiislam lilosababisha familia kukimbia makazi yao.

Mkazi mmoja wa eneo hilo, akizungumza na Reuters kwa simu amesema, "Tumekimbia, pamoja na wake zetu na watoto wetu na mamia ya watu wengine." Amesema, " Hivi sasa tunakimbia na kujificha maporini."

Rais wa Nigeria anasema vituo vya kupigia kura vitakuwa salama Jumamosi na nchi nzima uchaguzi mkuu unafanyika baada ya kuahirishwa kwa wiki moja.

Imetayarishwa na mwandishi wetu, Washington, DC.

Facebook Forum

XS
SM
MD
LG