Wahamiaji 43 wafariki katika ajali ya boti Italia

26 Februari, 2023

Waokoaji wakitafuta manusura baada ya ajali ya boti karibu na ufukwa mjini Crotone, Italia.

Maafisa wa Italia wanasema boti iliyotengenezwa kwa mbao iliyokuwa imewabeba wahamiaji kuelekea Italia ilisambaratika kabla ya kufika ufukweni na kusababisha vifo vya watu 43 akiwemo mtoto mchanga.

Mamlaka zinasema takriban watu 80 walinusurika kwenye mkasa huo. Baadhi ya miili ilioshwa ufukweni Jumapili katika eneo la mapumziko la bahari katika mkoa wa Crotone.

Takriban watu 100 walikuwa ndani ya meli hiyo, maafisa walisema. "Ni janga kubwa," Meya wa Crotone Vincenzo Voce alisema.

Kiongozi mkuu wa kanisa Katoliki Papa Francis alisema Jumapili, "Ninaombea kila mmoja wao, kwa wale wasiojulikana waliko na wahamiaji wengine walionusurika."

Papa Francis pia alisema alikuwa akiombea waokoaji "na wale wanaowakaribisha" wahamiaji.