Taliban wamefunga kivuko kikuu kati ya Afghanistan na Pakistan - Maafisa

20 Februari, 2023

Maafisa wa Taliban wakiwa kwenye mpaka wa Torkham.

Kuna ripoti kuwa Jumatatu kumetokea ufyatuaji wa risasi, uliodumu kwa muda mfupi huko Torkham, kivuko kikuu cha mpakani kati ya Afghanistan na Pakistan. Hakuna taarifa yoyote ya vifo.

Maafisa wa Pakistani waliliambia shirika la habari la Associated Press Taliban ya Afghanistani ilifunga mpaka Jumapili kwa sababu Pakistan inadaiwa kuwazuia wagonjwa wa Afghanistan na wahudumu wao kuingia Pakistan bila hati za kusafiria.

Afisa wa mpaka wa Taliban Torkham, Mullah Mohammad Siddiq, aliwashauri raia wa Afghanistan kutosafiri kuelekea kwenye mpaka wa Torkham.

Alisema kupitia mtandao wa twitter kwamba Pakistan haikutimiza "nia yake ya dhati, lakini hakufafanua zaidi.

Taifa hilo lisilo na bahari, linashirikiana mpaka Pakistan wa takriban kilomita 2,600, wakati Torkham ni kituo kikuu cha usafiri kati ya nchi hizo mbili.