Upatikanaji viungo

Breaking News
Alhamisi, Oktoba 29, 2020 Local time: 14:02

Serikali ya Uganda yamruhusu mkuu wa MTN kurejea nchini


Rais wa Uganda Yoweri Museveni

Mkuu wa kampuni ya mawasiliano ya MTN ambayo imekuwa ikifanya biashara zake nchini Uganda ameruhusiwa kurejea nchini na anatarajiwa kuwasili Kampala baadaye Alhamisi.

Afisa wa kampuni hiyo ameliambia shirika la habari la Reuters kuwa amri hiyo ya kufuzwa kwake imedumu kwa zaidi ya miezi mitatu.

Wim Vanhelleputte, Mtendaji Mkuu wa MTN Uganda, alifukuzwa kutoka taifa hilo la Afrika Mashariki Februari 15, 2019, kwa sababu za usalama wa taifa, polisi walisema wakati huo, bila ya kutoa maelezo zaidi.

"Tumejulishwa rasmi, tumepata barua na ilikuwa ni rais ndiye alimtaka Waziri wa Mambo ya Ndani kutuandikia na kumruhusu mtendaji wa MTN kurejea haraka nchini na hivyo atawasili hivi leo," amesema mwenyekiti wa MTN Uganda, Charles Mbire.

Amesema Vanhelleputte huenda akaanza shughuli zake kama mkuu wa kampuni.

Maendeleo haya ni dalili ya kwanza ya kurejea kwa uhusiano mwema kati ya kampuni na serikali ya rais Yoweri Museveni, kufuatia shutuma kuwa mtandao wa kampuni ulijihusisha na shughuli za kijasusi na kukwepa kodi, miongoni mwa masuala mengine.

Imetayarishwa na mwandishi wetu, Washington, DC

Facebook Forum

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG