Upatikanaji viungo

Breaking News
Jumatatu, Aprili 19, 2021 Local time: 01:47

Kura zaendelea kuhesabiwa Burkina Faso huku upinzani ukidai kuwepo wizi


Rais Roch Marc Kaboré

Kura zinaendelea kuhesabiwa nchini Burkina Faso baada ya uchaguzi mkuu Jumapili uliogubikwa na vitisho vya mashambulizI kutoka kwa wanamgambo wa Kiislamu wenye itikadi kali.

Matokeo ya awali yanaonyesha Rais Roche Marc Kabore akiongoza katika uchaguzi wake.

Wagombea urais wa upinzani wamedai kuwepo na wizi wa kura huku Rais Kabore akitarajiwa kushinda kwa muhula wake wa pili katika duru ya kwanza ya uchaguzi.

Mwenyekiti wa Tume ya uchaguzi, Newton Ahmed Barry amewaambia waandishi wa habari leo kwamba kati ya watu 300,000 hadi 350,000 hawakupiga kura kutokana na hofi za usalama.

Ulinzi ulikuwa mkali kote nchini na karibu asilimia 20 ya nchi nzima haikushiriki kwenye uchaguzi kutokana na vitisho vya wanamgambo. Wengi kati ya wagombea 12 wa upinzani wanamkosoa Rais Kabore kwa kushindwa kukabiliana na mashambulizi hayo.

Mashambulio ya kikatili yanayo fanywa na makundi yanayo tokana na Al-Qaida na kundi la Islamic State yamelazimisha zaidi ya raia milioni moja kuhama makazi yao katika kipindi cha mwaka mmoja peke yake.

Facebook Forum

XS
SM
MD
LG