Upatikanaji viungo

Breaking News
Jumanne, Novemba 30, 2021 Local time: 02:49

Bunge la Ethiopia lamthibitisha Waziri Mkuu Ahmed kuendelea na muhula mwengine


Bunge lamthibitisha Waziri Mkuu Ahmed kuendelea na muhula mwengine
please wait

No media source currently available

0:00 0:01:04 0:00

Bunge lamthibitisha Waziri Mkuu Ahmed kuendelea na muhula mwengine

Bunge la Ethiopia lilimthibitisha Jumatatu Waziri Mkuu aliyeko madarakani Abiy Ahmed kuendelea na wadhifa huo kwa muhula mwingine wa miaka mitano.

Wakati Ahmed akiimarisha nguvu zake ndani ya nchi kumekuwa na ongezeko la wasiwasi wa kimataifa kwa serikali yake namna inavyoshughulikia mzozo kaskazini mwa Ethiopia.

Chama cha Abbiy kilipata ushindi mkubwa katika uchaguzi wa Juni.

Aliapishwa Jumatatu na sherehe ilifanyika baadae katika mji mkuu Addis Ababa, iliyohudhuriwa na wakuu kadhaa wa nchi za Kiafrika.

Rais Sahle-Work Zewde aliliambia bunge leo Jumatatu kwamba vipaumbele vya serikali, ni pamoja na kupunguza mfumuko wa bei, ambao umepanda na kufikia karibu asilimia 20 mwaka 2021.Vingine ni gharama ya maisha, pamoja na kupunguza uosefu wa ajira.

Umoja wa Mataifa unaonya kwamba maelfu ya watu wanakabiliwa na njaa katika mkoa wa kaskazini wa Tigray, uliokumbwa na vita nchini Ethiopia.

Mgogoro ulizuka huko miezi 11 iliyopita, kati ya wanajeshi wa serikali na vikosi vitiifu vya Tigrayan People’s Liberation Front (TPLF), chama cha kisiasa kinachodhibiti Tigray.

Maelfu wamekufa na zaidi ya watu million mbili wamelazimika kukimbia makazi yao.

Facebook Forum

XS
SM
MD
LG