Shirika la habari la AP limeripoti kuwa ajali hiyo ya ndege imeshuhudia janga jingine la hivi karibuni la usafiri wa anga, ambapo ilikuwa na matumaini ya kubadilisha ndege zake kongwe kwa kununua mpya chini ya masharti ya makubaliano ya nyuklia ya 2015 baina yake na mataifa yenye nguvu duniani.
Lakini badala yake, kilicho tokea ni kujitoa kwa Rais Donald Trump kutoka katika makubaliano hayo mwezi May, ambapo kumezuia bilioni za dola katika mauzo yaliyo kuwa yamepangwa na kampuni ya Airbus na Boeing kuiuzia ndege Jamhuri ya Kiislam ya Iran, na hivyo kusitishwa huko kumeongeza hatari kwa abiria wanao safiri kwa ndege nchini Iran.
Ndege hiyo, ambayo ina fanya shughuli za kiraia, ilikuwa inajaribu kutuwa katika hali ya dharura majira ya saa mbili na nusu asubuhi, Jumatatu, katika uwanja wa ndege wa Fath, uwanja ambao uko chini ya mamlaka ya majeshi ya Revolutionary Guard. Ndege hiyo ilitoka nje ya njia yake wakati inatua, na kugonga uzio na kuingia katika makazi ya watu.
Televisheni ya serikali ya Iran ilionyesha picha za makazi hayo yaliyo chomeka na kuwa majivu na mabaki ya ndege yakiwa ardhini katika eneo karibu na makazi hayo. Moto mdogo ulikuwa unaendelea kuwaka pembeni ya ndege hiyo.
Ndege hiyo ilikuwa inatarajiwa kutuwa katika uwanja wa ndege wa kimataifa wa Payam, karibu na ajali hiyo kiasi cha kilomita 40 (maili 25) magharibi mwa Tehran, mji mkuu wa Iran.
