Upatikanaji viungo

Breaking News
Jumatatu, Oktoba 26, 2020 Local time: 21:50

Waasi wa ADF wadaiwa kuuwa raia 25 DRC


Wakazi wa Beni nchini DRC.

Watu 25 wameuawa katika mashambulizi mawili yanayoaminika kutekelezwa na kundi la waasi la Allied Democratic Forces, ADF, katika mtaa wa Beni, mashariki mwa Jamhuri ya kidemokrasia ya Congo (DRC).

Mwandishi wa VOA ameripoti kuwa idadi ya waliouwawa eneo la Mangolikene, nje kidogo ya mji wa Beni, Kivu kaskazini, imeongezeka na kufikia 20. Watu wengine 5 waliuwawa katika kijiji cha Paida karibu na Beni.

Mwandishi huyo mjini Goma ameeleza kuwa mashambulizi hayo yalitokea usiku wa kuamkia Ijumaa.

Nyumba kadhaa zilichomwa moto na kuna taarifa kwamba baadhi ya watu wametekwa nyara na kikundi cha watu waliowashambulia.

Wakaazi wanasema kwamba waliowashambulia walikuwa wamevalia sare za kijeshi na walikuwa wanazungumza Kilingala.

Msemaji wa jeshi katika sehemu hiyo Kapteni Mak Hazzukay, amesema kwamba mauaji yametokea baada ya waasi kushambulia kambi ya jeshi.

Serikali ya DRC imekuwa ikilaumu kundi la ADF kwa mauaji, wizi wa kitumia nguvu na utekaji nyara, lakini wakati mwingine taarifa kamili hukosekana kuhusu wanaofanya mashambulizi. Kundi la ADF, kutoka Uganda, limeuwa mamia ya watu tangu mwaka 2014.

Mashambulizi ya leo yanajiri siku moja baada mgombea wa urais Martin Fayulu, mmoja kati ya wagombea wengine wa urais, kuzindua kampeni zake katika mji wa Beni. DRC inajiandaa kwa uchaguzi mkuu desemba 23.

Facebook Forum

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG