Upatikanaji viungo

Breaking News
Jumanne, Februari 07, 2023 Local time: 02:13

Tshisekedi kukatisha ziara yake Marekani kufuatia mafuriko nchini DRC


Watu wakitathmini uharibifu baada ya mvua kubwa kusababisha mafuriko na maporomoko ya matope, nje ya mji wa Kinshasa, Jamhuri ya Kidemokrasia ya Congo Dec. 13, 2022.

Rais wa Jamhuri ya Kidemokrasi ya Congo, Felix Tshisekedi anasema atakatisha ziara yake nchini Marekani, ambako anahudhuria mkutano wa viongozi wa Marekani na Afrika.

Hii ni kufuatia tukio la mafuriko yaliyoikumba Jamhuri ya Kidemokrasia ya Congo katika mji mkuu Kinshasa na kuua zaidi ya watu 120.

Katika ujumbe wa tweet, Bwana Tshisekedi anasema atarejea nyumbani Alhamisi baada ya mkutano wake na Rais Joe Biden.

Rais wa Marekani Joe Biden na Rais wa Congo Felix Tshisekedi wakiwa katika mkutano wa G20
Rais wa Marekani Joe Biden na Rais wa Congo Felix Tshisekedi wakiwa katika mkutano wa G20

Siku tatu za maombolezo zimetangazwa na rais ameziambia idara za serikali kuzisaidia familia zilizoathiriwa na kuanza kuijenga tena miundombinu.

Katika mkutano na Waziri wa Mambo ya Nje wa Marekani Antony Blinken Rais Tshisekedi alilaumu mafuriko hayo kwa kusema yamesababishwa na mabadiliko ya hali ya hewa, shirika la habari la AFP limeripoti.

Facebook Forum

XS
SM
MD
LG