Nchi hizo tatu za Afrika Magharibi, ni za hivi karibuni kushiriki baada ya mafanikio ya kuanzishwa kwa utoaji chanjo wa kawaida ya malaria kwa watoto huko Kenya, Malawi, Burkina Faso, Cameroon, na Ghana, muungano wa kimataifa wa ushirika wa chanjo GAVI umesema katika taarifa.
Shirika la Afya Duniani limeidhinisha chanjo ambayo itafanyakazi pamoja na vifaa vilivyopo kama ya vyandarua ili kupambana na malaria, ambayo katika bara la Afrika kila mwaka inaua takribani nusu milioni ya watoto walio chini ya umri wa miaka mitano.
“Uzinduzi huu… utasaidia kuokoa maisha na kutoa afueni kwa familia, jamii na mifumo ya afya iliyoelemewa,” amesema Aurelia Nguyen, afisa mkuu wa mipango wa GAVI.
Benin ina dozi ya chanjo 215,900 ambazo zitapatikana kwa watoto kuanzia umri wa miezi mitano, kulingana na GAVI
Sierra Leone ina dozi 550,000 na jirani yake Liberia ana dozi 112,000, imesema.
Katika uzinduzi rasmi huko Benin, uliofanyika katika mji wa Allada, kiasi cha kilometa 54 kutoka katika jiji kubwa la nchi hiyo Cotonou, watoto 25 walipatiwa chanjo.
Forum