Upatikanaji viungo

Breaking News

Maandamano yasababisha kusitishwa safari za ndege Hong Kong


Waandamanaji wakiwa wamevamia uwanja wa ndege wa Hong Kong kwa siku ya nne Jumatatu Agosti 12, 2019.

Maafisa wa uwanja wa ndege wa Kimataifa wa Hong Kong wamesitisha Jumatatu usafiri wa ndege katika kiwanja cha ndege cha jimbo hilo ambacho ni mojawapo ya viwanja vyenye usafirishaji mkubwa wa watu na mizigo duniani.

Kusitishwa kwa shughuli za kiwanja hicho kunatokana na shinikizo la waandamanaji ambao ni wanaharakati wa mji huo ambao wamevamia uwanja huo na kusababisha shughuli zote kusimama.

Polisi wa Hong Kong wamewaambia waandishi habari kwamba karibu wanaharakati elfu 5 waliwasili na kukusanyika kwenye ukumbi wa kuondoka wasafiri kwa siku ya nne Jumatatu.

Wakati huo huo Darzeni ya waandamanaji wamejeruhiwa Jumatatu katika mitaa mingi ya Jimbo la Hong Kong katika mapambano na polisi wa kuzuia ghasia.

Waandamanaji wenye hasira wamezuia barabara na kukaidi amri ya polisi ambao wametumia gesi ya kutoa machozi na risasi za plastiki kuwatawanya waandamanaji.

Serikali ya jimbo la Hong Kong iliyo chini ya mamlaka ya China inasema watu 54 wamejeruhiwa katika ghasia hizo. Viongozi wa china wametaja maandamano ya Jumatatu kama vitendo vya ugaidi.

Imetayarishwa na mwandishi wetu, Washington, DC.

Facebook Forum

XS
SM
MD
LG