Upatikanaji viungo

Breaking News
Jumapili, Oktoba 02, 2022 Local time: 12:34

Jeneza la Malkia Elizabeth lawekwa ndani ya Bunge la Uingereza


Jeneza la Malkia Elizabeth likiwasili katika Ukumbi wa Westminster, London, Sept. 14, 2022.

Hayati Malkia Elizabeth II wa Uingereza jeneza lake siku ya Jumatano limewasili Ukumbi wa Westminster, London ambapo atawekwa hapo katika bunge. Jeneza hilo lilotokea Kasri ya Buckingham.

Mfalme Charles III alitembea nyuma ya gari lililobeba jeneza la malkia. Akiungana na watoto wake William na Harry, na ndugu zake, Anne, Andrew na Edward.

Mfalme Charles III, Prince William, Princess Anne, wakilipigia saluti pamoja na Prince Andrew, wakati jeneza la Malkia Elizabeth II, likiingizwa katika Kasri ya Westminster, London, Jumatano, Septemba 14, 2022. (Ben Stansall/Pool via P)
Mfalme Charles III, Prince William, Princess Anne, wakilipigia saluti pamoja na Prince Andrew, wakati jeneza la Malkia Elizabeth II, likiingizwa katika Kasri ya Westminster, London, Jumatano, Septemba 14, 2022. (Ben Stansall/Pool via P)

Umati mkubwa wa watu unatarajiwa kuwepo katika barabara hiyo, huku maelfu ya watu wakitarajiwa kusafiri kwenda Westminster kutoa heshima zao.

Gwaride hilo litafanyika huku kukiwa na ufyatuaji wa bunduki kwenye eneo la Hyde Park na kupigwa kwa kengele ya Big Ben ya bungeni.

Gwaride la kijeshi linafanyika wakati wa jeneza la Malkia Elizabeth II, likitolewa Kasri ya Buckingham kwenda Ukumbi wa Westminster.
Gwaride la kijeshi linafanyika wakati wa jeneza la Malkia Elizabeth II, likitolewa Kasri ya Buckingham kwenda Ukumbi wa Westminster.

Mwili wa Malkia utalazwa kwa siku nne katika Ukumbi wa Westminster wa karne 11. Ukumbi huo utakuwa wazi kwa saa 23 kila siku kwa ajili ya wageni na utalindwa na wanajeshi kutoka nyumba ya kifalme.

Elizabeth alifariki Septemba 8 huko katika Makazi ya Balmoral katika eneo Scottish Highlands, sehemu ambayo Malkia aliipenda na ndipo Charles alipokuwa mfalme.

Gwaride la kijeshi likiupeleka mwili wa Malkia Elizabeth kutoka Kasri ya Buckingham kwenda Bungeni ambapo atawekwa kwa ajili ya shughuli za kitaifa, huko London, Sept. 14, 2022.
Gwaride la kijeshi likiupeleka mwili wa Malkia Elizabeth kutoka Kasri ya Buckingham kwenda Bungeni ambapo atawekwa kwa ajili ya shughuli za kitaifa, huko London, Sept. 14, 2022.

Mazishi ya malkia yamepangwa kufanyika Septemba 19 huko Westminster Abbey. Jeneza hilo baadae litachukuliwa kwenda Windsor kwa ajili ya ibada ya mazishi, ambapo mume wa malkia, Prince Philip, ndipo alipozikwa mwezi Aprili 2021.

Baadhi ya taarifa katika repoti hii zinatokana na mashirika ya habari ya AP, Reuters na AFP

Facebook Forum

XS
SM
MD
LG