Upatikanaji viungo

Breaking News

Dkt Fauci aonya virusi vya corona huenda vikawa na misimu


Dkt Anthony Fauci akiwa na Makamu wa Rais Mike Pence nyuma yake wakati akilipasha habari taifa na dunia juu ya hali ya maambukizi ya virusi vya corona, White House, Jumapili, Machi 2020.

Mtaalam wa Marekani anayeongoza mapambano dhidi ya maradhi ya kuambukiza ametahadharisha kuwa mlipuko wa virusi vya corona ambavyo vinaendelea kuenea duniani inawezekana ikaja kuwa ni matukio ya kujirudia.

Iwapo hilo litatokea basi huenda mlipuko utakaporejea virusi hivyo vikawa na nguvu kubwa zaidi ya maambukizi iwapo tahadhari zinazo stahiki hazitachukuliwa.

Akizungumza jioni Jumatano wakati wa mkutano wa kila siku wa kutoa taarifa juu ya virusi vya corona White House, Mkurugenzi wa Kituo cha Taifa cha Uchunguzi wa Maradhi ya Hasasia na Yanayo Ambukiza Dkt Anthony Fauci amesema wagonjwa wenye maambukizi wameanza kujitokeza katika nchi ya Afrika Kusini na nyingine zilizoko kusini mwa dunia ambako hivi sasa zinaingia katika kipindi cha baridi.

Ameeleza iwapo mlipuko mkubwa utatokea katika maeneo hayo, itakuwa ni dalili tosha kuwa virusi hivyo vinaweza kuwa vya misimu na nchi za Kaskazini ya dunia wajiandae kwa mlipuko wa mara ya pili wa virusi hivyo mwakani.

Fauci amesema hilo linaweka mkazo zaidi juu ya haja ya kuendelea kutafuta chanjo ambayo itakuwa tayari iwapo duru ya pili ya maambukizi ya virusi vya corona itatokea, pamoja na kuwa na orodha ya dawa ambazo zinaweza kutibu na silama kwa matumizi ya wagonjwa wanaopata virusi hivyo.

Facebook Forum

Recommended

  • Vice President Joe Biden President Donald Trump

    UCHAGUZI MAREKANI 2020

XS
SM
MD
LG