Wafuasi wa Macron wakisherehekea ushindi wake katika duru ya npili ya uchaguzi wa rais, mjini Paris
Saa moja baada ya kufungwa vituo vya kura Ufaransa makadirio ya awali yanaonyesha mgombea kiti mwenye msimamo wa wastani Emmanuel Macron atapata ushindi mkubwa na kua rais mpya wa taifa hilo.
Mpinzani wake wa mrengo wa kulia mwenye itikadi kali Marinne Le Pen hakusubiri matokeo ya awali au rasmi kutoa hotuba yake ya kukubali kushindwa, bali aliwahutubia wafuasi wake mjini paris saa moja tu baada ya kufungwa vituo vya kupiga kura.
Le Pen amesema wapiga kura wamemchagua mtu atakae endelea na siasa za aliyemtangulia Francois Hollande, lakini kutoa wito kwa wafaransa kuungana na chama chake kuleta mabadiliko ya kisiasa.
Makadirio ya awali yanampatia Macron ushindi wa asili mia 65 .9 huku Le Pen akipata asili mia 34.5.
Jukwa ambalo Macron anatazamiwa kuhutubia wafuasi wake baada ya kupata ushindi.
Macron mwenye umri wa miaka 39 anakua rais kijana kabisa katika historia ya Ufaransa. Kiongozi kijana wa mwisho alikua Louis Napoleon Bonaparte alipoapishwa 1848 akiwa na umri wa miaka 40.
Wafuasi wa Macron wameanza kusherehekea katika pembe mbali mbali za Ufaransa na makoloni yake huku umati mkubwa wa wafuasi wake wakimsubiri katika jumba mashuhuri la makumbusho la Louvre mjini Ufaransa ambako amepanga kusherehekea ushindi wake.
waziri mkuu wa Uingereza Theresa May na Kansela wa Ujerumani Angela Merkel wametuma ujumbe wa pongezi kwa Macron kutokana na ushindi wake.
Wafaransa washiriki katika uchaguzi muhimu wa rais
1/10Mpiga kura akichukua vyeti vya kura katika duru ya pili ya uchaguzi wa rais Ufaransa mjini Marseille, May 7, 2017.
Onyesha zaidiShow less
2/10Mgombea kiti cha rais Marine Le Pen akiondoka nyumbani kwake Henin Beaumont, ona kurudi Paris baada ya kupiga kura yake. May 7, 2017.
Onyesha zaidiShow less
3/10Wapiga kura katika kituo cha kura mjini Lyon katika duru ya pili ya uchaguzi wa rais. May 7, 2017.
Onyesha zaidiShow less
4/10Mgombea huru mwenye msimamo wa wastani Emmanuel Macron aakiondoka kutoka kituo cha kupiga kura cha Le Touquet, May 7, 2017.
Onyesha zaidiShow less
5/10wafaransa wasubiri kupiga kura katika duru ya pili ya uchaguzi katika kituo cha Bron, May 7, 2017.
Onyesha zaidiShow less
6/10Wapiga kura wakaribishwa kwa kupewa mikate na keki walipowasili katika shule ya sekondari ya Francais Charles de Gaulle katika mtaa wa South Kensington jijini London, May 7, 2017.
Onyesha zaidiShow less
7/10Usalama uko katika hali ya juu wakati wafaransa wanapiga kura katika uchaguzi wa kihistoria. May 7, 2017.
Onyesha zaidiShow less
8/10Bendera ya Ufaransa ikipeperushwa wakati wapiga kura wanawasili kupiga kura zao mjini Le Touquet, May 7, 2017.
Onyesha zaidiShow less
9/10Ukaguzi wa mikoba kabla ya kuingia ndani ya kituo cha kupiga kura mjini Paris, May 7, 2017.
Onyesha zaidiShow less
10/10Mwanamke akipiga picha wapiga kura wahamiaji huko Canada wanaosubiri kupiga kura wakati kuna mvua mjini Montreal, Quebec, Canada, May 6, 2017.
