Baraza la Wawakilishi la Marekani laidhinisha kumfungulia mashtaka waziri wa usalama wa ndani

Kwa kura 214-213, Baraza hilo liliidhinisha vifungu viwili vya kufungua mashtaka kwa kumshtumu waziri wa usalama wa ndani Alejandro Mayorkas kushindwa kutekeleza sheria za Marekani kuhusu uhamiaji, hali ambayo Warepublican wanadai ilisababisha wimbi kubwa la wahamiaji kuvuka mpaka kati ya Marekani na Mexico.

Lakini hakuna matumaini kwamba Baraza la Seneti, lenye Wademocrat wengi, likapiga kura ya kumfuta kazi waziri Mayorkas.

Mayorkas amesema mara kadhaa kwamba hana jukumu lolote katika mzozo wa wahamiaji kwenye mpaka, akilaumu badala yake mfumo mbovu wa sheria za uhamiaji ambao bunge limeshindwa kuurekebisha.