Upatikanaji viungo

Breaking News
Jumamosi, Oktoba 24, 2020 Local time: 21:02

Zaidi ya watu 60 wauawa Mogadishu


Kundi la kigaidi la Al-Shabaab nchini Somalia

Kundi la al-Shabaab lakiri kufanya shambulizi la bomu Mogadishu

Zaidi ya watu 60 wameuawa Jumanne katika mji mkuu wa Somalia Mogadishu, na wengine zaidi ya 15O kujeruhiwa baada ya gari lililotegwa bomu kulipuliwa kwenye uwanja wa wizara ya elimu. Kundi la wanamgambo la al-Shabab limekiri kuhusika na shambulio hilo likisema lililenga serikali ya mpito ya Somalia na walinda amani wa Umoja wa Afrika wanaoisaidia serikali hiyo. Walioshuhudia waliiambia idhaa ya Kisomali ya Sauti ya Amerika kuwa watu wawili waliojitoa mhanga waliendesha gari hilo hadi kwenye mlango wa uwanja huo na kulipua bomu hilo saa tano asubuhi saa za Somalia. Taarifa ya serikali ilisema waliouawa ni 15 lakini waandishi habari waliokuwepo katika eneo la shambulizi hilo walisema maafisa wa polisi na wafanyikazi wa afya walihesabu zaidi ya maiti 60. Maafisa katika hospitali za Medina na Bandir waliiambia Sauti ya Amerika kuwa wamepokea zaidi ya watu 147 waliojeruhiwa katika shambulizi hilo.

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG