Upatikanaji viungo

Breaking News
Jumamosi, Oktoba 16, 2021 Local time: 02:24

Waziri wa Ulinzi wa Marekani afanya mazungumzo na Netanyahu


Waziri wa Ulinzi wa Marekani Lloyd Austin na Waziri Mkuu wa Israel Benjamin Netanyahu wakitoa tamko baada ya kufanya mkutano wao Jerusalem, April 12, 2021.

Waziri Mkuu wa Israel Benjamin Netanyahu amekutana na Waziri wa Ulinzi wa Marekani Llyod Austin Jumatatu kwa mazungumzo juu ya ushirikiano kati ya nchi hizi mbili.

Pia wamezungumzia masuala ya Mashariki ya Kati na suala la nyuklia la Iran. Mapema Jumatatu Austin akifuatana na Waziri mwenzake wa Israel Benny Gantz walitembelea kambi ya jeshi la anga la Nevatim ambako alikataa kuzungumzia suala la tukio kwenye kinu cha nyuklia cha Iran cha Natanz.

Iran inaituhumu Israel kwa kufanya shambulio la udukuzi jana Jumapili kwenye kinu hicho chake kikuu cha kurutubisha uranium, na kusababisha umeme kukatika, lakini hakuna habari zaidi zinazojulikana kutokana na tuklio hilo.

Austin ni afisa wa kwanza muandamizi wa utawala wa Rais Joe Biden kutembelea Israel na ziara yake inafanyika wakati nchi hiyo ina adhimisha Jumanne, miaka 73 tangu kuundwa kwa taifa hilo la kiyahudi.

Baada ya ziara yake ya Israel Waziri wa Ulinzi Wamarekani ataelekea Brussels Jumanne kukutana na Waziri wa Mambo ya Nchi za Nje Antony Blinken kwa mashauriano na mazungumzo na washirika wao wa NATO, juu ya masuala muhimu na nyeti kwa wakati huu.

Facebook Forum

XS
SM
MD
LG