Upatikanaji viungo

Breaking News
Ijumaa, Oktoba 07, 2022 Local time: 05:56

Waziri mkuu wa Sri Lanka ajiuzulu kufuatia mzozo mbaya wa kiuchumi


Wafuasi wa serikali ya Sri Lanka wakikabiliana na polisi nje ya ofisi ya Rais mjini Colombo, May 9, 2022

Waziri mkuu wa Sri Lanka Mahinda Rajapaska amejiuzulu Jumatatu kufuatia wiki kadhaa za maandamano yanayomtaka yeye na kaka yake, Rais Gotabaya Rajapaska kujiuzulu kutokana na mzozo mbaya wa kiuchumi.

Maafisa wamesema waziri mkuu alituma barua ya kujiuzulu kwa rais. Waziri mkuu aliandika pia kwenye Twitter kuhusu kujizulu kwake mapema Jumatatu asubuhi.

Kujiuzulu kwa waziri mkuu kumejiri baada ya wafuasi wa chama tawala cha Sri Lanka (SLPP) kuwashambulia Jumatatu waandamanaji wanaoipinga serikali, nje ya afisi za rais mjini Colombo, na kujeruhi watu 200.

Polisi walifyatua gesi ya kutoa machozi na mizinga ya maji na kuweka amri ya kutoka nje usiku ambayo haijulikani lini muda wake utamalizika.

Waandamanaji waliwashtumu viongozi hao ndugu kutoshughulikia ipasavyo kudorora kwa uchumi, hali mbaya ya uchumi ambayo nchi hiyo haijawahi kushuhudia tangu ijipatie uhuru mwaka wa 1948.

Facebook Forum

XS
SM
MD
LG