Upatikanaji viungo

Breaking News

Watu zaidi ya 30 wapoteza maisha Kenya


Barabara zilivyoharibika katika eneo la Nakuru kutokana na mafuriko ya Jumatano, Mei 9, 2018, Kaunti ya Nakuru, Kenya

Watu zaidi ya 30 wamepoteza maisha baada ya Bwawa la Patel lilioko eneo la Solai Kaunti ya Nakuru nchini Kenya kupasuka na kusababisha mafuriko makubwa usiku wa Jumatano.

Manusura wa mafuriko hayo wameeleza kuwa maji yameharibu nyumba na maeneo ya biashara baada ya Bwawa la Patel kupasuka katika kitongoji cha Solai, takriban kilomita 150 kaskazini magharibi mwa mji wa Nairobi.

Maafisa wa serikali wamesema kuwa watu zaidi ya 40 wameokolowa na kupelekwa hospitali, na timu za waokoaji zinaendelea kuwatafuta waathirika wengine Alhamisi ambao huenda wamekwama katika baadhi ya maeneo yaliokumbwa na mafuriko.

Eneo hilo limeshuhudia mvua kubwa katika kipindi cha miezi miwili iliyopita, zilizosababisha mafuriko na mmomonyoko wa udongo ambazo tayari yalikuwa yameuwa watu zaidi ya 130.

Serikali ya Kenya imesema Jumatano kuwa mvua hizo zimesababisha watu 220,000 kuhama makazi yao.

Facebook Forum

XS
SM
MD
LG