Upatikanaji viungo

Breaking News
Jumanne, Februari 07, 2023 Local time: 14:53

Watu wanane wapoteza Maisha katika maporomoko ya ardhi DRC


Watu wamekusanyika eneola ajali DRC.

Maporomoko ya ardhi yaliuwa takriban watu wanane na kuwajeruhi vibaya wengine tisa karibu na mgodi wa madini Mashariki mwa Jamhuri ya Kidemokrasia ya Congo siku ya Ijumaa, afisa wa eneo hilo aliiambia Reuters siku ya Jumamosi.

Waliojeruhiwa wako katika hali mbaya na wanapatiwa matibabu katika kituo cha afya cha eneo hilo, msimamizi wa eneo la Fizi katika jimbo la Kivu Kusini, Aime Kawaya Mutipula, alisema kwa njia ya simu.

Maporomoko ya ardhi ni ya kawaida katika vilima vyenye miteremko mashariki mwa Congo ambapo mvua kubwa inaweza kuenea na kuulainisha udongo. Lakini kuna uwezekano mkubwa wa kutokea ikiwa udongo umetibuliwa na shughuliza za uchimbaji madini, ukataji miti au ujenzi.

Mwezi Desemba, mvua kubwa iliyonyesha katika mji mkuu wa Congo Kinshasa ilisababisha mafuriko na maporomoko ya ardhi ambayo yalisababisha vifo vya takriban watu 170.

Facebook Forum

XS
SM
MD
LG