Upatikanaji viungo

Breaking News
Ijumaa, Desemba 02, 2022 Local time: 13:42

Watu 50 wauwawa na karibu 300 wajeruhiwa katika ghasia Chad


Waandamanaji wanaoipinga serikali wachoma vizuizi wakati wa mapigano huko N'Djamena, Chad, Alhamisi Oktoba 20, 2022. AP

Takriban watu 50 waliuawa na karibu wengine 300 kujeruhiwa katika ghasia zilizozuka nchini Chad siku ya Alhamisi huku mamia wakiingia mitaani kudai mabadiliko ya haraka kuelekea  utawala wa kidemokrasia.

Waziri Mkuu Saleh Kebzabo, ambaye alitoa idadi ya waliouawa katika mkutano na waandishi wa habari, alisema serikali bado inakusanya idadi ya majeruhi kutokana na kile alichokitaja kuwa ni uasi wa kutumia silaha.

Lakini mashirika ya kutetea haki za binadamu yalisema kuwa raia wasiokuwa na silaha waliuawa huku vikosi vya usalama vikikabiliana kikatili na maandamano katika mji mkuu wa N'Djamena na miji mingine kadhaa.

Taifa hilo kubwa la Afrika ya Kati linalotawaliwa na jeshi limekuwa katika mgogoro tangu kifo cha Aprili 2021 cha Rais Idriss Deby, ambaye alitawala kwa mkono wa chuma kwa miongo mitatu.

Mtoto wake wa kiume, Mahamat Idriss Deby, alinyakua madaraka mara moja na awali aliahidi kipindi cha mpito cha miezi 18 kuelekea uchaguzi, lakini Oktoba mosi alitangaza kwamba watasogeza mbele kwa miaka miwili.

Facebook Forum

XS
SM
MD
LG