Takriban wanajeshi 45 walionekana wakiwasili katika mji wa Goma majira ya asubuhi, huku wanajeshi wengine wakitarajiwa kuwasili katika tarehe za baadaye.
Wanajeshi hao wa Sudan Kusini ni sehemu ya jeshi la nchi saba za Jumuiya ya Afrika Mashariki (EAC), ambalo liliundwa mwezi Juni mwaka jana ili kuleta utulivu mashariki mwa DRC.
Sehemu kubwa ya eneo hilo inakabiliwa na makundi yenye silaha, urithi wa vita vya kikanda ambavyo vilipamba moto katika miaka ya 1990 na 2000.
Tangu kuibuka tena kutoka katika hali ya utulivu mwishoni mwa 2021, waasi wa M23 pia wameteka maeneo mengi katika jimbo la Kivu Kaskazini na kusonga mbele kilomita kadhaa kuukaribia mji mkuu wa Goma.