1. Francis Njuguna, miaka 31
Aliuwawa kwa kupigwa risasi katika kitongoji cha Kariobangi, Nairobi, Agosti 11. Mwili wake ulipatikana katika chumba cha kuhifadhi maiti Jijini Nairobi.
2. Vincent Omondi Okebe, miaka 27
Alipigwa risasi Agosti 11 katika kitongoji cha Dandora wakati wa maandamano yaliyoandaliwa na wafuasi wa Muungano wa upinzani wa Nasa. Baada ya muda alifariki kutokana na majeraha akiwa Hospitali ya Kenyatta.
3. Thomas Odhiambo Okul, miaka 26
Alikufa papo hapo baada ya kupigwa risasi na polisi Agosti 11 akiwa nyumbani kwake katika kitongoji cha Dandora, Nairobi.
4. Kevin Oteino, miaka 23
Alikufa akiwa njiani anapelekwa hospitali baada ya kupigwa risasi na polisi nje ya geti la nyumba yake katika kitongoji cha Dandora, Nairobi, Agosti 12.
5. Vitalis Otieno, miaka 23
Alikufa akiwa nyumbani kwake kutokana na mshtuko katika kitongoji cha Dandora, Nairobi, Agosti 12. Alipata mshituko huo baada ya kujikuta akiwa katikati ya vurugu iliyokuwa ikiendelea kati ya polisi na wafuasi wa Nasa.
6. Sammy Amira Loka, miaka 45
Alipigwa na bomu la machozi ambapo alivuta gesi ya bomu hilo katika eneo la Kawangware Stage Two, Jijini Nairobi. Alifariki akiwa Hospitali ya Kenyatta Agosti 9.
7. Lillian Khavere, miaka 40
Alikuwa ana ujauzito wa miezi 8 alipopoteza uhai wake. Alianguka baada ya polisi kurusha bomu la machozi na kukanyagwa na kundi la watu lililokuwa linakimbia huko eneo la Kawangware Namba 56 Agosti 9.
8. Festo Kevogo, miaka 33
Alipigwa risasi kichwani na polisi Agosti 9 akiwa Kawangware Namba 56, Nairobi. Alifariki akiwa njiani anapelekwa hospitali.
9. Melvin Mboka Mwangitsi, miaka 19
Aliuwawa kwa kupigwa risasi na polisi katika eneo la Satellite/ Kawangware, Nairobi. Mwili wa marehemu ulikutwa katika chumba cha maiti Hospitali ya Kenyatta.
10. Paul Mungai, miaka 33
Alipigwa risasi ya tumboni. Alikufa kutokana na kuvuja damu ndani ya tumbo akiwa Hospitali ya Kenyatta Agosti 20. Alikuwa mkazi wa Kawangware Namba 56 Nairobi.
11. Zebedeo Mukhala, miaka 42
Alipigwa risasi mguuni na kuanguka chini na kundi kubwa la watu waliokuwa wakikimbia polisi kumkanyaga Agosti 12. Mukhala alifariki August 14 akiwa amelazwa Hospitali ya Mbagathi akipokea matibabu.
12. Violet Khagai, miaka 43
Ni mkazi wa eneo la Kawangware Stage Two. Alipigwa na bomu la machozi na kuvuta hewa yenye pilipili Agosti 12. Alifariki akiwa njiani anapelekwa hospitali.
13. Erick Kwama, miaka 30
Alifariki akiwa Hospitali ya Kenyatta baada ya kupigwa na bomu la machozi lilokuwa limepigwa karibu na alipokuwa, na kuvuta hewa yenye pilipili Agosti 10.
14. Nelvin Amakove, miaka 30
Mnamo Agosti 11, alijikuta katikati ya vurugu za maandamano. Alipigwa risasi mgogoni akiwa anakimbia kutoka katika eneo la Kawangware No 56, Nairobi ambalo polisi walikuwepo. Alifariki papo hapo na mwili wake ulipatikana katika Hospitali ya Kenyatta.
15. Suleiman Khatibu, miaka 25
Raia wa Tanzania ambaye alikuwa mfanyakazi wa mgahawa wa San Valencia katika eneo la Karen. Agosti 11, alipigwa na bomu la machozi kifuani akiwa karibu na polisi. Alitokwa na damu puani, mdomoni na kuaga dunia alipofikishwa Hospitali ya Kenyatta Agosti 18. Alikuwa anaishi eneo la Kinyanjui, karibu na Kawangware, Nairobi.
16. Jeremiah Maranga, miaka 50
Alikuwa ameajiriwa na kampuni ya G4S. Alipigwa na polisi na kuachwa amekufa Agosti 11 huko Kawangware No 56 Jijini Nairobi. Mwili wake wote ulikuwa umetapakaa damu. Alikufa kutokana na kuvuja damu ndani ya mwili na kuharibika kwa kiungo cha ndani ya mwili wakati akisubiri kupata matibabu Hospitali ya Kenyatta.
17. Benson Wandera, miaka 47
Alipigwa risasi na polisi eneo la Kinyanjui, karibu na Kawangware, Nairobi, Agosti 11. Alizikwa huko Busia, magharibi ya Kenya.
18. Silas Owiti Lebo, miaka 18
Alikuwa amepigwa na polisi Agosti 12 katika kitongoji cha Mathare eneo la 4a-C, Nairobi. Alifariki wakati anapokelewa hospitali ili kupatiwa matibabu.
19. Bernard Okoth Odoyo, miaka 25
Alifariki papo hapo baada ya kupigwa risasi mgongoni akiwa mtaa Namba 10 Agosti 9. Alikuwa ni mkazi wa Mathare 4A, Nairobi.
20. Victor Okoth Odoyo, miaka 25
Alikufa papo hapo akiwa eneo Namba 10 baada ya kupigwa risasi mgongoni Agosti 9. Alikuwa anaishi eneo la Mathare 4A, Nairobi.
21. William Waka, miaka 42
Alipigwa risasi kifuani Agosti 9 na mwili wake uliweza kupatikana kwenye chumba cha maiti cha Jiji la Nairobi. Yeye ni mkazi wa Mathare Kaskazini, Nairobi.
22. Boniface Ochieng Owino, miaka 31
Alipigwa risasi katika kifua akiwa eneo la Bondeni huko Mathare, Nairobi, Agosti 12 na kufa papo hapo.
23. David Owino, miaka 28
Alikufa papo hapo kwenye eneo la barabara ya Juja baada ya kupigwa risasi kifuani Agosti 12. Alikuwa anaishi Matharu eneo la Bondeni, Nairobi.
24. Stephanie Moraa Nyarangi, miaka 9
Alizungumziwa katika vichwa vya habari baada ya kupigwa risasi kifuani wakatiakicheza katika varanda ya nyumba yao huko Mathare Kaskazini, Nairobi, Agosti 12.
25. Christopher Samwel Mutua, miaka 32
Ni mhanga mwengine kutoka eneo la Mathare Kaskazini, Nairobi, ambaye alipigwa risasi kufuani akiwa karibu na polisi Agosti 13. Alikufa hapohapo karibu na nyumbani kwake.
26. Fanuel Muruka Amule, miaka 30
Alipigwa risasi Agosti 12 Mathare Kaskazini, Nairobi. Mwili wake ulipatikana katika chumba cha kuhifadhi maiti Jijini.
27. Raphael Ayieko, miaka 17
Alikufa hapohapo baada ya kupigwa risasi mgongoni katika huko Babadogo, eneo la Kasabuni, Nairobi, Agosti 12.
28. Privel Ochieng Ameso, miaka 18
Alikufa papo hapo baada ya kupigwa risasi kwenye shingo na paja akiwa amepiga magoti Agosti 12. Alikuwa anatokea Babadogo, eneo la Kasabuni, Nairobi.
29. Shaddy Omondi Juma, miaka 17
Alikufa kwa kupigwa risasi akiwa amepiga magoti huko Babadogo, eneo la Kasabuni, Agosti 12. Mwili wake ulipatikana katika jumba la kuhifadhi maiti Jijini likiwa na majeraha 5 ya risasi.
30. Geoffrey Onacha, miaka 34
Aliuawa kwa kupigwa risasi eneo la Kibera, Nairobi, Agosti 10. Mwili wake ulipatikana katika nyumba ya kuhifadhi maiti Jijini.
31. Sharon Imenza, miaka 10
Ni mtoto wa kike wa Geoffrey Onacha (hapo juu). Mnamo Agosti 11, aliaguka na kuzimia na kuaga dunia baada ya kuuona mwili wa baba yake huko Kibera.
32. Henry Onyango Matete, umri wake haujulikani
Alipigwa na polisi Agosti 12 huko Kibera, eneo la Olympic, Nairobi. Alifariki siku moja baadae akiwa amelazwa hospitali ya Muthaiga.
33. Michael Owino, miaka 28
Alipigwa risasi katika eneo la KIbera Olympic Jijini Nairobi. Mwili wake ulitiwa katika mfuko na kuchukuliwa kupelekwa kusikojulikana Agosti 12.
