Wananchi wa Libya wanasheherekea mwaka mmoja wa mapinduzi ambayo yalioangusha utawala wa dikteta wa zamani Moammar Gadhafi.
Sherehe mbali mbali zilianza katika miji kote nchini humo.
Katika mji wa mashariki wa Benghazi maafisa wa usalama walikuwa kwenye tahadhari kubwa wakati mamia ya watu wakishangilia huku wakipeperusha bendera nje ya mahakama ya mji huo. Sherehe rasmi zinatarajiwa mjini humo Ijumaa.
Walibya wengi walielezea kuridhishwa na kuwa na matumaini mazuri na mafanikio yaliopatikana tangu mapinduzi hayo.
Hata hivyo waziri wa zamani wa serikali Ali Al Tahrouni alisema bado kuna kazi ya kufanya.