Makundi ya kutetea uhuru wa vyombo vya habari yanailaumu polisi kwa kuingilia faragha ya waandishi hao.
Msemaji wa idara ya polisi Malawi Peter Kalaya, ameiambia Sauti ya Amerika kuwa uchunguzi huo unatokana na malalamiko kutoka wakuu wa Shirika la Utangazaji la Malawi.
“Katika mchakato wa uchunguzi huo, tulipata hati ya upekuzi kutoka mahakamani ambayo tumeitumia kunyang’anya vifaa vya kielekroniki kutoka kwa washukiwa. Vifaa hivyo vinajumuisha simu na kompyuta ndogo” alisema Kalaya.
Kalaya alikataa kutaja idadi kamili ya watu wanaochunguzwa na jinsi walivyoweza kuwatambua kwa tuhuma za kujihusisha na uhalifu mitandaoni,
Hata hivyo, ripoti za vyombo vya habari vya nchi hiyo zinasema kuwa waandishi hao 14 wanaohusika na MBC inajumuisha baadhi ya waliokuwa wameacha kazi kutoka shirika hilo, waliweza kufanya utafiti wa vifaa vyao.
Meneja wa uhusiano wa jamii wa MBC, Chisomo Mwamadi amekataa kuzungumzia uchunguzi huo, akisema shirika hilo la utangazaji limekabidhi kila kitu mikononi mwa polisi.
Forum