Upatikanaji viungo

Breaking News
Jumatatu, Oktoba 03, 2022 Local time: 07:32

Utawala wa kijeshi wa Myanmar wawanyonga wanaharakati 4 watetezi wa demokrasia


Kiongozi wa utawala wa kijeshi wa Myanmar, Jenerali Min Aung Hlaing, picha ya Reuters

Utawala wa kijeshi wa Myanmar Jumatatu umetangaza kwamba uliwanyonga wanaharakati wanne wanaotetea demokrasia wanaoshtumiwa kuchangia “katika vitendo vya kigaidi”, na hivo kusababisha kulaaniwa kwa adhabu hizo za kwanza za kunyongwa nchini humo kwa miongo kadhaa.

Wakihukumiwa kifo katika kesi zilizofanyika kwa siri mwezi Januari na mwezi Aprili, wanaume hao walishtumiwa kulisaidia vuguvugu la kiraia la kupinga utawala wa kijeshi tangu mapinduzi ya kijeshi ya mwaka jana na ukandamizaji mbaya wa maandamano yaliyofanyika nchi nzima.

Miongoni mwa walionyongwa ni mtetezi wa demokrasia Kyaw Min Yu, anayejulikana kwa jina la Jimmy, na mbunge wa zamani na msani wa nyimbo za Hip-hop Phyo Zeya Thaw, mshirika wa kiongozi aliyeondolewa madarakani Aung San Suu Kyi.

Wengine walionyongwa ni Hla Aung na Aung Thura Zaw.

Mkuu wa Baraza la haki za binadamu la Umoja wa mataifa Michelle Bachelet amezitaja adhabu hizo za kunyongwa kuwa “hatua ya kikatili na ya kurudi nyuma” ambayo itaongeza tu kujiingiza kwake katika mzozo ambao nchi hiyo iliuanzisha yenyewe.

Marekani imelaani kitendo hicho na kusema kwamba hakutakuwa tena “ushirikiano wa kawaida” na uongozi wa kijeshi wa Myanmar.

Facebook Forum

XS
SM
MD
LG