Upatikanaji viungo

Breaking News
Ijumaa, Septemba 17, 2021 Local time: 23:17

Ulimwengu waeleza wasiwasi juu ya Nigeria kupiga marufuku Twitter


Rais Muhammadu Buhari (Instagram/ Muhammadu Buhari)

Marekani, Jumuiya ya Ulaya, na mataifa mengine yameelezea wasiwasi wao juu ya uamuzi wa Nigeria kupiga marufuku kwa muda usiojulikana mtandao wa kijamii wa Twitter.

Uamuzi huo ulifikiwa baada ya kampuni hiyo kubwa ya Marekani kufuta ujumbe wa tweet kutoka akaunti ya rais Muhammadu Buhari, wakidai kuwa ulikukiuka kanuni zake.

Mashirika ya kimataifa ya haki za binadamu pia yamelaani hatua hiyo, ambayo ilifuatia majaribio ya hapo awali ya serikali ya nchi yenye watu wengi zaidi barani Afrika, kudhibiti mitandao ya kijamii.

Makampuni ya simu ya Nigeria yalitii agizo la serikali Ijumaa, kusitisha huduma za Twitter kwa muda usiojulikana.

Ujumbe wa kidiplomasia wa EU, Marekani ,Uingereza, Canada na Ireland, umetoa taarifa ya pamoja leo Jumapili kulaani hatua hiyo.

"Kupiga marufuku mifumo ya kujieleza sio jibu," ilisema taarifa hiyo. Zaidi ya Wanigeria milioni 39 wana akaunti za Twitter, kwa mujibu wa taasisi za utafiti.

Facebook Forum

XS
SM
MD
LG