Upatikanaji viungo

Breaking News
Jumamosi, Agosti 20, 2022 Local time: 03:27

Ulaya yaripotiwa kuwa kitovu cha janga la COVID-19


Maelfu wajitokeza kusheherekea Sikukuu ya Carnival katika mitaa ya Cologne, Ujerumani, Nov. 11, 2021, bila ya kujali ongezeko la maambukizi ya COVID-19 Ulaya.

Ulaya imekuwa kitovu cha janga la ugonjwa wa COVID-19 kwa mara nyingine tena, hali inayochochea baadhi ya serikali kuweka masharti yasiyo na umaarufu tena kuelekea sikukuu ya Krismasi na kuanzisha mjadala kama chanjo peke yake inatosha kupambana na COVID -19. 

Ulaya kwa jumla ina zaidi ya nusu ya maambukizo yaliyo orodheshwa mnamo siku saba zilizopita kote duniani, ina karibu nusu ya vifo vinavyohusiana na janga hilo, hiyo ni kwa mujibu wa uchunguzi uliotolewa na shirika la Habari la ROITA.

Hicho ni kiwango cha juu cha maambukizo tangu mwezi April mwaka 2020 wakati virusi vilipoingia kwa mara ya kwanza nchini Italia.

Takriban asilimia 65 ya watu katika eneo la kiuchumi la Ulaya (EEA) ambayo ni pamoja na Umoja wa Ulaya, Iceland, Lichtensen, Norway wamepokea dozi mbili za chanjo kwa mujibu wa data lakini kasi ya utoaji imepungua katika miezi ya karibuni.

Ujerumani, Ufaransa na Uholanzi nazo zinashuhudia maambukizo hayo. Chansela wa Ujerumani Angela Merkel amesema Ijumaa watu wana wajibu wa kupokea chanjo ya COVID-19 sio tu kwa ajili ya kujilinda wao lakini kuwalinda wengine pia.

Chansela Angela Merkel
Chansela Angela Merkel

“ Kwa bahati mbaya Ujerumani iko katika wimbi jingine la nne la maambukizo sasa. Tunaandikisha idadi kubwa. Watu wanaweza kuamini kwamba ni kitu cha zamani, lakini tumegundua kwamba hakijakwisha. Kwa mara nyingine tena, lazima tuhakikishe kwamba mifumo yetu ya afya haijaelemewa. Lazima tutengeneze utaratibu wa kukuza, na maana yake. “

Shirika la Afya Duniani hivi karibuni limeripoti kwamba katika wiki ya Novemba 7 imeonyesha Ulaya, ikiwemo Russia ni maeneo pekee ambayo yamerekodi ongezeko la kesi hadi asilimia 7 huku maeneo mengine maambukizi yakiwa yameshuka au yanadhibitiwa.

Facebook Forum

XS
SM
MD
LG