Upatikanaji viungo

Breaking News
Alhamisi, Oktoba 29, 2020 Local time: 02:16

Coronavirus: Tanzania yafunga shule zote na kupiga marufuku mikusanyiko ya watu


Waziri Mkuu wa Tanzania kassim Majaliwa.

Serikali ya Tanzania Jumanne ilitangaza kufungwa kwa shule zote kuanzia za chekechea hadi kidato cha sita kwa siku 30 kama hatua ya kuzuia kuenea kwa maambukizi ya corona nchini humo.

Akitangaza hatua hiyo, Waziri mkuu Kassim Majaliwa alisema kuwa uamuzi huo ungeanza kutekelezwa kutoka tarehe 17.

Alisema wizara ya elimu itafanya marekebisho ya ratiba kwa wanafunzi wanaotarajiwa kufanya mitihani yao kuanzia tarehe 4 mwezi Mei.

Hali kadhalika nchi hiyo ilisitisha michezo yote inayowaleta pamoja wachezaji na mashabiki wengi au makundi ya watu.

“Serikali imesitisha michezo yote inayokusanya makundi ya watu ikiwamo Ligi Kuu ya Tanzania Bara (VPL), Ligi Daraja la Kwanza (FDL), Ligi Daraja la Pili (SDL) na aina nyngine. Wizara ya Habari, Utamaduni, Sanaa na Michezo iziandikie taasisi zake,” alisema.

Akisisitiza kuwa Tanzania imejiandaa vyema kukabiliana na mlipuko wa COVID 19, Majaliwa aidha alisema mikusanyiko yote ya watu wengi yakiwemo matamasha ya muziki, mikutano ya hadhara mbalimbali imepigwa marufuku kwa sasa.

“Watanzania wenye safari zisizo za lazima kwenye nchi zenye maambukizi makubwa, wanashauriwa wasitishe safari hizo,” alisema Majaliwa.​

Majaliwa pia alitoa wito kwa Watanzania kuzingatia ushauri unaotolewa na Serikali na kupuuza "taarifa za uzushi' zinazosambazwa kwenye mitandao ya kijamii.

“Watanzania tuache mzaha wa kutumia mitandao ya kijamii kufanya upotoshaji wa tahadhari katika jambo hili,” alionya.

Hadi tulipokuwa tukitayarisha ripoti hii, Tanzania ilikuwa imeripoti kisa kimoja cha maambukizi ya Corona.

Facebook Forum

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG