Serikali ya Sudan Kusini, Jumatatu, imetishia kuvizima vyombo vya habari endapo waandishi wake watafanya mahojiano na waasi.
Shirika la habari la Ufaransa AFP, lilimkariri Waziri wa habari wa serikali ya Sudan Kusini, Michael Makueri, akitoa tamko hilo.
Makueri amesema kwamba watazima vyombo vya habari kama vitafanya mahojiano na muasi yoyote ambaye atazungumzia mipango yake ama sera zake ndani ya Sudan Kusini.
Tahadhari hiyo inakuja baada ya redio moja kufanya mahojiano na kiongozi mmoja wa upinzani.
Sudan Kusini hivi sasa ipo katika mzozo unaozua hali tete katika nchi hiyo changa kuliko zote barani Afrika.