Upatikanaji viungo

Breaking News
Jumapili, Agosti 01, 2021 Local time: 11:49

Senegal yazuia huduma ya Intaneti wakati maandamano yakiongezeka


Maandamano ya kumuunga mkono kiongozi wa upinzani Dakar, Senegal, Jumatano, Machi 3, 2021.

Mamlaka nchini Senegal zimezuia upatikanaji wa intaneti wakati maandamano dhidi ya kuwekwa kizuizini kwa kiongozi wa upinzani kuongezeka mtandao wa usimamizi wa NetBlocks umeripoti Ijumaa.

Katika siku mbili zilizopita, mtu mmoja ameuawa katika mapigano kati ya polisi wa kutuliza ghasia na wafuasi wa Ousmane Sonko, ambaye anasema kuwekwa kwake kizuizini siku ya Jumatano kufuatia madai ya ubakaji kuna ushawishi wa kisiasa.

NetBlocks ilisema programu za mitandao ya kijamii na ujumbe ikiwa ni pamoja na Facebook, WhatsApp, na Youtube yamewekewa masharti mapema Ijumaa kabla ya maandamano yaliyo pangwa kufanywa na asasi za kiraia na vyama vya upinzani yakiongozwa na harakati ya maandamano iitwayo Y'en a Marre.

Sonko, mkaguzi wa kodi mwenye umri wa miaka 46 ambaye alishika nafasi ya tatu akiwa na asilimia 15 ya kura katika uchaguzi wa rais wa mwaka 2019, anapata uungaji mkono mkubwa miongoni mwa vijana wa Senegal. Anakabiliwa na uchunguzi baada ya kuvuliwa kinga yake ya ubunge wiki iliyopita.

Facebook Forum

XS
SM
MD
LG