Kiongozi wa walio wengi katika bunge hilo Chuck Schumer amesema kwamba kura hiyo ni muhimu sana kwa usalama wa Marekani na kote ulimwenguni, na kwamba uwepo wa Sweden na Finland utaimarisha NATO hata zaidi, hasa wakati huu ambapo Putin amefanya mashambulizi yasio na maana dhidi ya Ukraine.
Amesema kwamba kwa kufanya hivyo, Putin anaimarisha uwezo wa NATO. Kabla ya upigaji kura huo, mwenyekiti wa kamati ya uhusiano wa kimataifa kwenye bunge hilo Bob Manendez alisema kwamba ungetuma ujumbe mkali kwa Russia kutokana na uvamizi wake wa Ukraine. Hata hivyo mrepablikan Josh Hawley ambaye ndiye pekee aliyepinga kura hiyo amesema kwamba inaenda kinyume na sera za kigeni za Marekani.