Upatikanaji viungo

Breaking News
Jumanne, Oktoba 27, 2020 Local time: 11:57

Saudia yasita kujadili yanayo fahamika kuhusu Khashoggi


Polisi wa Uturuki wakijitayarisha kuingia katika makazi ya balozi mdogo wa Saudi Arabia Mohammed al-Otaibi kuendelea na uchunguzi baada ya mwandishi wa Saudi Jamal Khashoggi kutoweka na kuwepo madai ya kuwa amuwawa huko Istanbul, Jumatano, Octoba 17, 2018.

Waziri wa Mambo ya Nje Mike Pompeo amesema Jumatano kuwa alipokutana na viongozi wa Saudia hawakutaka kuzungumzia yanayo fahamika juu ya kutoweka kwa mwandishi wa habari wa Saudia Arabia ambaye ni mkazi na alikuwa anafanya kazi Marekani.

Maafisa wa Uturuki wanasema kuwa mwandishi huyu aliuwawa na mwili wake kukatwa katwa na majasusi wa Saudi Arabia ndani ya ubalozi wa Riyadh mjini Istanbul, tuhuma ambazo Saudia inakanusha.

Wakati akielekea Ankara kufanya mazungumzo na viongozi wa Uturuki juu ya uchunguzi unaohusu kutoweka kwa mwandishi Jamal Khashoggi, mwanadiplomasia wa ngazi ya juu wa Marekani amewaambia waandishi kuwa Mfalme Salman na Prince Mohammed bin Salman amemhakikishia kuwa “watawafahamisha watu dunia nzima” matokeo ya uchunguzi wao.

Pompeo amesema Saudia imeahidi kumwajibisha “mtu yoyote aliyehusika na kutenda kosa lolote litakalo gundulika katika uchunguzi huo,” bila ya kumwacha yoyote anayehusika na mauaji hayo, hata ikiwa ni wanafamilia wa Ufalme wa Saudia.

Lakini alipoulizwa iwapo maafisa wa Saudia wamemfahamisha iwapo Khashoggi yuhai au amekufa, Pompeo amesema, “Sitaki kuzungumzia masuala yoyote yanayo fahamika juu ya mwandishi. Utawala wa Saudia pia hautaki kuzungumzia hilo, wanataka wapewe muda wa kukamilisha uchunguzi huu kikamilifu.

Facebook Forum

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG