Misri inayo ongoza kwa kuagiza ngano duniani, Jumatano imetangaza kupokea dola milioni 500 kutoka Benki ya Dunia ili kukabiliana na upungufu wa chakula uliotokana na vita vya wasambazaji wake wa kuu wa ngano Russia na Ukraine.
Katia taarifa, waziri wa mahusiano ya kimataifa wa Misri, Rania al-Mashar amesema fedha hizo za benki ya dunia zitasaidia juhudi za serekali kukabiliana na mahitaji ya chakula, na kuwa tayari na hali yoyote kwa wakati ujao.
Hali ya upungufu wa chakula imekuwa katika wasiwasi mkubwa toka Russia kuivamia Ukraine mwishoni mwa mwezi Febuari na kusababisha usumbufu mkubwa katika usafirishwaji wa chakula kwa njia ya bahari.
Kabla ya uvamizi huo, asilimia 85 ya ngano ya Misri ilikuwa ikiagizwa kutoka kwa mataifa hayo mawili ya Ukraine na Russia.