Upatikanaji viungo

Breaking News
Jumatano, Oktoba 05, 2022 Local time: 18:42

Macron atangaza ukurasa mpya katika uhusiano na Algeria


Rais wa Ufaransa(kushoto) na Rais wa Algeria Abdelmajid Tebboune (Kulia) kwenye ikulu ya Algeria, Agosti 25, 2022. Picha ya AFP

Rais wa Ufaransa Emmanuel Macron Alhamisi ametangaza ukurasa mpya katika uhusiano na Algeria, katika siku ya kwanza ya ziara yake ya siku tatu nchini humo yenye lengo la kurekebisha uhusiano na koloni hilo la zamani la Ufaransa miezi kadhaa baada ya kuadhimisha miaka 60 ya uhuru.

Ofisi ya Macron imesema ziara yake inalenga kuweka msingi wa kujenga upya na kuendeleza uhusiano wakati mwingine mgumu na taifa hilo la Afrika kaskazini baada ya miezi michache ya mvutano.

“Hatukuchagua yaliyopita, tuliyarithi,” amesema katika mkutano na waandishi wa habari Alhamisi pamoja na Rais wa Algeria Abdelmajid Tebboune.

“Lazima tuiangazie hali hii na kuitambua, lakini tuna wajibu wa kujenga mustakabali wetu kwa ajili yetu na vijana wetu,” amesema Macron, akiwa rais wa kwanza wa Ufaransa aliyezaliwa tangu uhuru wa Algeria mwaka wa 1962.

Tebboune amepongeza “mwelekeo huo mzuri” katika uhusiano wa nchi hizo mbili, akisema kuna “ matarajio mazuri ya kuboresha ushirikiano maalum ambao unatuunganisha”.

Rais wa Ufaransa ametangaza Alhamisi jioni kwamba nchi hizo mbili zitaunda tume ya pamoja ya wanahistoria wa Ufaransa na Algeria kuchunguza nyaraka kuhusu miaka 130 ya utawala wa kikoloni wa Ufaransa nchini Algeria, ikiwemo vita vibaya vya miaka minane vya uhuru.

Facebook Forum

XS
SM
MD
LG