Upatikanaji viungo

Breaking News
Jumatatu, Mei 23, 2022 Local time: 20:37

Mabomu ya machozi yatumika kuwasambaza waandamanaji Sudan


Wanachi wa Sudan wakiandamana kupinga mapinduzi ya kijeshi yaliyotokea mwaka 2021 nchini humo katika mji mkuu Khartoum, Jan. 30, 2022.

Vikosi vya usalama vya Sudan vimefyatua gesi ya machozi huko Khartoum Jumapili kwa maelfu ya waandamanaji wanaodai kurejeshwa kwa utawala wa kiraia kupinga mapinduzi ya kijeshi yaliyofanyika mwaka 2021, mwandishi wa kujitegemea wa AFP amesema.

Takriban watu 78 wamekufa na mamia kujeruhiwa wakati wa operesheni ya kuzuia waandamanaji wanaopinga mapinduzi, wakati mamlaka zimewakamata mamia ya wanaharakati wanaodai demokrasia, hiyo ni kwa mujibu wa kundi huru la madaktari nchini humo.

Wanaharakati wapenda demokrasia wameongeza wito wao wa kutaka kurejeshwa utawala wa kiraia tangu jeshi lilipochukua madaraka Oktoba 25 mwaka jana likiongozwa na jenerali Abdel Fattah al-Burhan.

Mapinduzi hayo yamechelewesha utayarishaji wa ushirikiano wa madaraka, baina ya jeshi na raia ambayo yamekuwa yakijadiliwa tangu mwaka 2019 baada ya kupinduliwa kiongozi wa muda mrefu Omar al Bashir.

Maandamano ya Jumapili yalifanyika katika mji mkuu wa Khartoum, maeneo jirani ya Omdurman, katika jimbo la Gedaref upande wa mashariki, na miji ya kaskazini ya Atbara na Dangola hiyo ni kwa mujibu wa mashahidi.

Maafisa wa usalama wa Sudan wameonya waandamanaji waliokuwa wanaelekea katikati ya mji mkuu wa Khartoum wakati vikosi vya usalama vikifunga mitaa inayoelekea katika makazi ya rais.

lakini waandamanaji katika mji mkuu walikuwa kwa kundi kubwa wakati wakielekea katika makazi hayo na polisi walifyatua mfululizo wa gesi ya machozi wakati wakiwasili katika eneo hilo.

Chanzo cha habari hii ni shirika la habari la AFP

Facebook Forum

XS
SM
MD
LG