Upatikanaji viungo

Breaking News
Jumatatu, Oktoba 26, 2020 Local time: 16:47

ICC kumwachia huru Thomas Lubanga


Majaji katika mahakama ya ICC wameamrisha mtuhumiwa wa uhalifu wakati wa vita DRC Thomas Lubanga aachiliwe huru.

Majaji katika Mahakama ya Kimataifa ya Uhalifu huko the Hague wameamrisha kuwa mtuhumiwa wake wa kwanza Thomas Lubanga kutoka Jamhuri ya Kidemokrasia ya Congo. Hata hivyo, Lubanga hataachiliwa katika siku tano zijazo wakati upande wa mashitaka unatafakari kukata rufaa.

Kesi dhidi ya Lubanga iliahirishwa wiki iliyopita baada ya majaji kusema kumetokea ukiukaji wa taratibu za uendeshaji kesi. Ukiukaji huo umetokea baada ya ofisi ya mwendesha mashitaka kushindwa kumtambulisha shahidi muhimu katika kesi hiyo. Lubanga alishitakiwa kwa kuandikisha watoto wadogo katika jeshi lake la uasi. Amekana mashitaka hayo.

Katika uamuzi wao majaji walisema "mshitakiwa hawezi kuwekwa kizuizini kwa misingi ya dhana tu, kwamba katika siku zijazo mashitaka yanaweza kufunguliwa tena."

Hata hivyo, upande wa waendesha mashitaka una siku tano kukata rufaa, na kama rufaa hiyo itakubalika Lubanga atabaki gerezani mpaka rufaa hiyo itakaposikilizwa, kulingana na taarifa ya ICC.

Lubanga alikuwa akiongoza kundi la wanamgambo wa kabila la wahema la UPC - moja ya makundi sita yaliyokuwa yakipigania eneo la Ituri lenye utajiri wa madini kati ya mwaka 1999 na 2003.

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG