Upatikanaji viungo

Breaking News
Alhamisi, Desemba 01, 2022 Local time: 20:46

Kiongozi wa upinzani Zambia azuiliwa kwa tuhuma za uchochezi


Rais wa Zambia Hakainde Hichilema, Lusaka, Zambia, Aug. 16, 2021.

Polisi nchini  Zambia wamemkamata kiongozi wa upinzani kwa tuhuma za kueneza taarifa za uongo pamoja na uchochezi baada ya kumkosoa  rais wa taifa hilo Hakainde Hichilema.

Msemaji wa polisi Rae Hamoonga amesema leo kwamba kiongozi wa chama cha upinzani cha National Democratic, Saboi Imbolea anaendelea kushikiliwa, na kwamba amefahamishwa kwamba matamshi yake huenda yakatumiwa dhidi yake katika mahakama. Hamoonga ameendelea kusema kwamba Imbolea alikamatwa kutokana na kumkosoa mkurugenzi wa habari kwenye ofisi ya rais, Clayson Hamasaka kupitia ukurasa wake wa Facebook. Mwaka 2021, sheria mpya ya kudhibiti mitandao ilipitishwa nchini Zambia chini ya chama tawala cha wakati huo cha Patriotic Front. Hata hivyo wakosoaji wanasema kwamba sheria hiyo inatumiwa kuminya uhuru wa kujieleza, uhuru wa habari pamoja na haki ya faragha.

Facebook Forum

XS
SM
MD
LG