Upatikanaji viungo

Breaking News

Jengo laporomoka Nairobi, watu 15 hawajulikani waliko


Watu washuhudia jengo la ghorofa saba lililoporomoka kwenye mtaa ulio mjini Nairobi, Kenya mnamo tarehe 13 Mei, 2017. Picha imepigwa na Kennedy Wandera/VOA.

Jengo la ghorofa saba liliporomoka usiku wa kuamkia Jumanne, katika kitongoji kimoja cha mji mkuu wa Kenya, Nairobi.

Mkasa huo ulitokea katika kijiji cha Kware Pipeline, mtaa wa Embakasi, nje ya mji wa Nairobi.

Kufikia jioni ya Jumanne, takriban watu 15 hawakuwa wanajulikana waliko kufuatia mkasa huo.

Shirika la msalaba mwekundu nchini Kenya, lilisema kupitia ujumbe kwenye mtandao wa Twitter kuwa makundi ya uokozi yalikuwa kwenye eneo la mkasa.

Mashahidi wameiambia Sauti ya Amerika kwamba magari ya msalaba mwekundu na ambulensi kadhaa zilionekana zikisafirisha watu kutoka eneo la tukio hilo.

Halmashauri ya kupambana na majanga ilisema Jumanne kwamba baadhi ya wakazi walikuwa wametoroka baada ya kuonywa kwamba jengo hilo lilikuwa kwenye hatari ya kuporomoka.

Mnamo mwezi Aprili mwaka huu, takriban watu 49 walikufa baada ya jengo jingine kuporomoka mjini Nairobi.

Habai zaidi zitafuata.

  • 16x9 Image

    BMJ Muriithi

    BMJ Muriithi is an international Broadcaster/ Multimedia specialist with Voice of America (VOA) based in Washington DC. He is a versatile journalist who has, among other assignments, covered major international events, including the UN General Assembly (UNGA) in New York, US, and the African Union Summit in Addis Ababa, Ethiopia. He also covers everyday human interest stories from around the world.

Facebook Forum

XS
SM
MD
LG