Upatikanaji viungo

Breaking News
Jumamosi, Desemba 10, 2022 Local time: 01:11

HRW lasema kwamba jeshi la Congo linashirikiana na waasi


Wanajeshi wa Congo wakiwa kwenye jimbo la Kivu Kaskazini. Juni 9, 2022

Shirika la kimataifa la kutetea haki za binadamu la Human Rights Watch, HRW, pamoja na kundi la uasi la M23 wamedai kwamba jeshi la DRC limekuwa likiunga mkono kundi hatari la waasi wa ki Hutu kutoka Rwanda, kwenye ghasia zinazoendelea mashariki mwa taifa hilo.

Kwa mujibu wa shirika la habari la AFP, HRW limesema kwamba jeshi la Congo limetoa silaha pamoja na kushirikiana na makundi yanayo shukiwa kusababisha ghasia.

Baadhi ya makundi hayo ni FDLR, la wa Hutu kutoka Rwanda lenye makao yake DRC, na ambalo serikali ya Rwanda inachukulia kama tishio, wakati ikidai kuwa linashirikiana na serikali ya Congo.

Ripoti ya HRW imetolewa wakati kukiwa na taharuki kati ya mataifa hayo, huku DRC ikidai kuwa Rwanda inaliunga mkono kundi la M23, la wa Tutsi wa Congo, ambalo limeshika udhibiti wa maeneo kadhaa mashariki mwa Congo.

Hata hivyo Rwanda imekanusha madai hayo. Mtafiti mkuu wa HRW nchini Congo Thomas Fessy amsema kwamba jeshi la Congo limeanza tena mtindo hatari wa kutumia makundi yenye silaha kama washirika wake. Hadi sasa hakuna tamko lolote lililotolewa na jeshi la Congo kufuatia madai hayo.

Facebook Forum

XS
SM
MD
LG