Upatikanaji viungo

Breaking News

DRC yaidhinisha aina nne ya dawa za kutibu Ebola


Madaktari wakimsindikiza mtoto wa kike ambaye anadhaniwa kuwa na virusi vya katika wadi ya malazi Agosti 12, 2018 huko Beni, kaskazini mashariki mwa DRC.

Wizara ya Afya nchini Jamuhuri ya Kidemokrasia ya Kongo (DRC) imeidhinisha majaribio ya aina nne ya dawa za kutibu ugonjwa wa Ebola.

Majaribio hayo ni katika harakati za kudhibiti ugonjwa huo unaoendelea kuenea eneo la mashariki mwa DRC na kusababisha maafa.

Wizara ya afya imesema wagonjwa 10 waliopewa dawa aina MAB 114 tangu Agosti 11 wanaendelea vizuri na matibabu hayo.

Kumekuwapo wagonjwa sita wapya waliokutikana na virusi vya Ebola na vifo vinne vilivyo ripotiwa na wizara ya Afya, na hivyo imepelekea idadi ya vifo 59 na wagonjwa kufikia 75 tangu mwezi Julai.

Wafanyakazi wa afya zaidi ya elfu moja na mia sita pamoja na watu waliokuwa na mawasaliano na wagonjwa wa Ebola walipewa chanjo dhidi ya Ebola iliolipuka mapema mwezi Agosti kaskazini magharibi mwa DRC.

Facebook Forum

XS
SM
MD
LG