Mpaka wa Petit Barier ulio mjini Goma, utakuwa ukifungwa kuanzia saa tisa alasiri hadi saa moja asubuhi ili kuruhusu wafanyabiashara kufanya shughuli zao.
Awali, mwanajeshi wa DRC alivuka mpaka na kuingia Rwanda ambapo aliwashambulia kwa risasi na kuwajeruhi polisi wawili wa Rwanda kabla ya mwanajeshi huyo kupigwa risasi na kuuawa.
Wakati huo huo, Kundi la wapiganaji wa M23 wamepiga risasi na kuitungua ndege ya jeshi la DRC karibu na mji wa Goma. Msemaji wa waasi hao Majro Willy Ngoma amemwambia mwandishi wa Sauti ya Amerika mjini Goma kwamba waliiangusha ndege hiyo kwa sababu ilikuwa imeingia katika ngome zao kwa lengo la kuwashambulia.
Hakuna taarifa kuhusu vifo wala majeruhi kufikia sasa.
